Покаянный канон Потёмкина
О покаянии Потемкин думал все последние годы своей жизни. Перед смертью Потемкин составил покаянный канон.
Содержание |
Основные статьи:
Жанр канона
Жанр переложения церковных текстов возник в России в XVII в.: Симеон Полоцкий переписал силлабическими стихами «Канон на Рождество Христово», а позже Псалтирь (под названием «Псалтирь Рифмотворная»).
Этот жанр получил широкое распространение в эпоху «русского барокко», в нем писали многие поэты XVIII — начала XIX веков: Ф. Прокопович, В.К. Тредиаковский, А.П. Сумароков, М.М. Херасков, И.Ф. Богданович, Г.Р. Державин, А.Ф. Мерзляков, Н.М. Шатров, И.И. Дмитриев, И.А. Крылов и другие. Обращался к нему и М.В. Ломоносов, создавший ряд переложений псалмов и «Оду, выбранную из Иова». Международный конгресс по anti-age и эстетической медицине — ENTERESTET 2026 
Эти переложения модернизируют церковные тексты и в отношении языка (вместо церковнославянского русский), и в отношении стиха (свободный несиллабический стих заменяется силлаботоническим), и в отношении манеры выражения (вместо строгого лаконизма многоречивость).
Канон, возникший как жанр богослужебных текстов в Византии в VII в., имеет строгую структуру. Полный канон включает девять песен (возможны также каноны из 8, 4, 3 или 2 песней); каждая связана с определенным ветхозаветным или новозаветным текстом:
- песнь 1 — песнь Моисея после перехода Чермного моря (Исход, гл. 15, ст. 1–19);
- песнь 2 — предсмертная песнь Моисея (Второзаконие, гл. 32, ст. 1–43; именно эта песнь опускается в восьмипесенных канонах);
- песнь 3 — молитва Анны (I кн. Самуила, гл. 2, ст. 1–10;)
- песнь 4 — молитва Аввакума (Аввакум, гл. 3, ст. 2–19);
- песнь 5 — молитва Исайи (Исайя, гл. 26, ст. 9–19);
- песнь 6 — молитва Ионы (Иона, гл. 2, ст. 3–10);
- песнь 7 — молитва Азарии (Даниил, гл. 3, ст. 26–45);
- песнь 8 — песнь трех отроков (Даниил, гл. 3, ст. 52–88);
- песнь 9 — песнь Богородицы (Лука, гл. 1, ст. 46–55).
Каждая песнь состоит из ирмоса и следующих за ним 4–6 тропарей. Ирмос связывает библейское событие с темой канона, тропари развивают эту тему, содержательно и мелодически вторя ирмосу.
Цитаты других канонов в тексте Потёмкина
Канон Потемкина состоит из 9 песен и двух молитв. Он во всех отношениях ближе к церковным образцам, чем к современным ему переложениям священных текстов: написан на русифицированном церковнославянском языке, сохраняет свойственные канону структуру и молитвословный стих. Канон Потемкина изобилует цитатами — прежде всего, из «Великого канона» Андрея Критского, «Канона покаянного ко Господу нашему Иисусу Христу», читаемому во время Великого поста и «Канона умилительного с акафистом ко Господу нашему Иисусу Христу», а также из псалмов, молитв и других канонических текстов, однако не повторяет ни один из них[1]. Многие фрагменты произведения Потемкина не имеют прямых параллелей. Сугубо личный характер носят две молитвы по канону.
В целом это сочинение Потемкина — живое свидетельство недюжинных литературных способностей его автора и искренности его веры.
Канон был создан, по-видимому, в 1791 г., во время последней болезни Потемкина. Биограф пишет: «Чувствуя, что болезнь усиливается, Потемкин испытывал мрачную и томительную тоску. Во время ее припадков всемогущий князь лечил свои душевные раны обращением к Божеству: к этому времени относится составление им `канона Спасителю`».
Канон был впервые опубликован в 1791 г. в походной типографии в Яссах; имя автора представлено лишь инициалами: К. Г. А. П. Однако в экземпляре, найденном в XIX в. в бумагах племянника Потемкина А.Н. Самойлова и вторично опубликованном П.А. Бартеневым в «Русском архиве», имя автора приведено полностью.
Текст канона Потёмкина
КАНОНЪ СПАСИТЕЛЮ ГОСПОДУ IИСУСУ[2].
ПѢСНЬ I. IРМОСЪ.
Шествующïй Iзраиль сквозь морскую пучину, не коснувшïйся водамъ своими стопами, воспѣлъ хвалу избавителю своему; я же, яко бренïе создателя моего, дерзаю глаголати органомъ души моея, сицевое славословïе:
Помилуй мя Боже, помилуй мя.
Отверзая уста моя къ пѣнïю славы и милосердïя твоего Господи, испытываю сердце и душу мою, и вѣмъ, яко ниедино слово не довольно къ воспѣтïю чудесъ твоихъ; но ты, яко человѣколюбецъ, не возгнушайся моимъ изреченïемъ, и услыши мя вопïюща:
Помилуй мя Боже, помилуй мя.
Прогнѣвляя тебе всевышняго ежечасно, кто неужаснется праведнаго суда твоего, и кто не осудитъ самъ себе на вѣчную казнь? но неизмѣривъ пучины милосердïя твоего, прибѣгаю къ чистому покаянïю, единому средству во упованïи твоея Господи милости.
Слава:
Отъ утробы матере моея, тайною святаго крещенïя омывая прародительскïй грѣхъ, обѣщахся тебѣ владыко, ходить по стопамъ заповѣдей твоихъ, но совлекшися съ истиннаго пути, поработахъ грѣху, и осквернивъ одѣжду спасенïя моего, не смѣю взирати на небо, но ты, яко милосерденъ, услыши мя.
И нынѣ:
Къ тебѣ мати Господа моего обращаю молитву мою, яко къ ходатайцѣ у творца моего, принеси ея ко Господу, да будетъ она яко жертва чистая предъ страшнымъ его престоломъ.
ПѢСНЬ II. IРМОСЪ.
Вонми небо и возглаголю, и воспою Христа отъ дѣвы плотïю пришедшаго.
Помилуй мя Боже, помилуй мя.
Кто неизречетъ твоего человѣколюбïя Христе? когда ты для единаго избавленïя человѣка, нетокмо не возгнушался дѣвическаго чрева, но и не пощадилъ самого себе въ вольной страсти; удивляюся снисхожденïю твоему владыко, и плачуся о неблагодарности моей:
Помилуй мя Боже, помилуй мя.
Чѣмъ тебѣ воздамъ, всесильный Господи, за толикое твое ко мнѣ милосердïе? и чѣмъ содѣлаюсь достойнымъ распятïя твоего Христе? прахѣ твоего созданïя къ тебѣ вопïетъ: вѣмъ яко едиными добродѣльми соединяются съ тобою; но нагъ есмь сего украшенïя; не милости, но суду твоему повиненъ.
Слава:
Умножишася беззаконïя моя, яко песокъ при краи моря, но не отступихъ отъ тебе Спасителя моего; согрѣшая оскорбляю твое величество, но и обращаюся къ покаянïю: виждь Господи, колико слабо человѣчество, не по дѣломъ его суди, но по древней милости своей.
И нынѣ.
Ко сыну твоему мати и дѣво пречистая, дерзаю простирати мольбу мою, и вѣдая недостоинство мое, къ тебѣ прибѣгаю владычице, да ты матерними своими молитвами содѣлаешь мене достойна его милосердïя.
ПѢСНЬ III. IРМОСЪ.
Утверди Господи на камени заповѣдей твоихъ, зыблющееся сердце мое, яко единъ святъ еси и праведенъ.
Помилуй мя Боже, помилуй мя.
Проснися душа моя отъ сердечнаго твоего ожесточенïя! се уже при дверехъ женихъ! гдѣ твой свѣтильникъ? угасъ! бѣжитъ возжегши его, но дверь между тѣмъ затворяется, и ты лишаешся брачныя вечери.
Помилуй мя Боже, помилуй мя.
Виждь Господи смиренïе мое! виждь сокрушенïе сердца моего! у тебе единаго очищенïе, у тебе избавленïе есть; помилуй недостойное твое созданïе, и недопусти до пагубы душу мою.
Слава:
Пролей мнѣ Господи источникъ слезъ моихъ, да омыю скверну души моея, да убѣлюся яко снѣгъ, и да прïуготовлю храмъ тебѣ въ тлѣнномъ сердцѣ моемъ. Ты единъ силенъ воздвигнути изъ праха достойное царствïя твоего.
И нынѣ:
Надеждо ненадеждныхъ и утѣшенïе сѣтующихъ, ты еси чистая дѣво, содѣлай въ храмѣ души моея чертогъ сыну твоему ходатайствомъ отъ матернïя твоея молитвы.
ПѢСНЬ IV. IРМОСЪ.
Одождивый иногда манну, и источивый изъ камене воду людемъ своимъ препрославленный Боже, подаждь и мнѣ спасе благодать твою, утоляя алчность и жажду грѣховную души моея.
Помилуй мя Боже, помилуй мя.
Приклони Господи ухо твое къ молитвѣ моей, отъ сокрушенïя сердца моего къ тебѣ возсылаемой; прïйми слезы моя, пролитыя за вину грѣховъ моихъ; се тебѣ приносится Спасителю мой, вмѣсто мѵра многоцѣннаго, излитаго грѣшницею на пречистыя ноги твои; едино слово твое довольно было ко очищенïю грѣховъ ея; рцы же и ты душѣ моей: спасенïе твое есть азъ.
Помилуй мя Боже, помилуй мя.
Пришедый спасти грѣшники, а не призвати праведники къ покаянïю, воззри Господи на преклоненную выю мою, на сокрушенное предъ тобою сердце мое; и чего недостаетъ къ пополненïю за грѣхи мои, ты самъ создателю мой, яко сердцевѣдецъ, открый мнѣ мысленныя мои очи, да увѣмъ и воздамъ тебѣ до послѣдняго.
Слава:
Се стоитъ предъ тобою владыко прахъ созданïя твоего! се страдаетъ душа его. Суди! ты единъ ея избавитель; азъ согрѣшихъ предъ тобою яко человѣкъ, но не воздѣхъ руки моя ко иному Богу, яко ты единъ еси святъ и праведенъ.
И нынѣ:
Ходатайце всѣхъ вѣрныхъ владычице дѣво мати Божïя, чистѣйшая всѣхъ тварей небесныхъ и земныхъ, воззри на грѣшника ищущаго спасенïя; настави душу мою на путь къ достиженïю царствïя Сына твоего и Господа.
ПѢСНЬ V. IРМОСЪ.
Утреннюю къ тебѣ Спасе мой отъ нощи грѣховной, просвѣти душу мою свѣтомъ невечернимъ, свѣтомъ твоего Божества, и настави мене на повелѣнïя твоя яко всесиленъ.
Помилуй мя Боже, помилуй мя.
Не отвержи мене Господи отъ лица твоего; не отъими отъ мене Духа святаго твоего; не постыди мене Боже мой въ день страшнаго суда твоего предъ Ангелы твоими; вѣмъ яко тамо дѣла мои мене изобличатъ, и отошлютъ во тму кромѣшнюю; но за вѣру твердую мою къ тебѣ Господи, ожидаю твоего милосердïя.
Помилуй мя Боже, помилуй мя.
Не устрашаетъ мене столько пламень муки вѣчныя, не ужасаетъ мене болѣе червь оный неусыпаемый, и скрежетъ зубовъ, сколько трепещетъ духъ мой, и мучится совѣсть моя отъ лишенïя благости твоея Господи; Кто не возрыдаетъ изъ грѣшниковъ, видя святыхъ твоихъ сѣдящихъ одесную славы твоея?
Слава:
Не внïйди Господи въ судъ съ рабомъ твоимъ, неоправдающимся предъ тобою; чѣмъ душа моя оправдится, когда въ книгѣ твоей и не содѣянное еще ею уже написанно есть, и когда не оправдится предъ тобою всякъ живый?
И нынѣ:
Заступнице христïянъ непостыдная чистая Богородице, ты едина умилостивляешь сына своего отъ предлежащаго грѣшникамъ воздаянïя.
ПѢСНЬ VI. IРМОСЪ.
Вопïю ко Господу всѣмъ сердцемъ моимъ, яко низринутый въ бездну грѣховную, отъ тли Боже мя возведи.
Помилуй мя Боже, помилуй мя.
Видишь душе моя предъ собою своего избавителя, искупившаго тебе своею кровïю; видишь раны его. Се Агнецъ Божïй вземляй грѣхи мïра! ты предстоишь предъ нимъ яко неблагодарная, и ты дерзаешь отверзнуть къ нему уста своя: прослезися, и въ перси бïющи возглаголи: отъ тли Боже мя избави.
Помилуй мя Боже, помилуй мя.
Страшусь Господи призвати тебе въ храмъ души моя; но вѣдая твое снисхожденïе надъ грѣшниками, съ коими ты не возгнушался свечеряти въ дому Симона Прокаженнаго, отверзаю душу и сердце мое; прошу, яко же оный Евангельскïй мужъ, единаго слова твоего къ моему избавленïю; и хотя нѣсмь достоинъ, но ты единъ властенъ освятить и очистить мене, да подъ кровъ внидеши души моея.
Слава:
Скажи мя Господи кончину мою: открый мнѣ путь, коимъ отсель къ вѣчности пойду; покажи мѣсто, и дѣже будетъ обитать душа моя: вѣмъ по дѣломъ своимъ, яко внѣ царствïя твоего: но стоитъ ли гнѣва твоего бренное сïе созданïе? покажи ему мѣсто, яко человѣколюбецъ, хотя при краи царствïя твоего.
И нынѣ:
Вольнующая душа моя, и утопающая въ безднѣ беззаконïй своихъ, ищетъ помощи, но не обрѣтаетъ; подаждь ей пречистая дѣво руку свою, еюже носила Спасителя моего, и не допусти погибнути во вѣки.
ПѢСНЬ VII. IРМОСЪ.
Пребывшïе въ истинной вѣрѣ отроки не послужиша бездушному идолу, обрѣтоша избавленïе свое въ горящей пещи, прохладною росою, и возопиша пѣснь давшему имъ побѣду: отцевъ Боже благословенъ еси.
Помилуй мя Боже, помилуй мя.Тебѣ
Господи единому согрѣшихъ, и тебѣ единому каюся, яко да оправдишися во словесѣхъ твоихъ и побѣдиши внегда судити ти, страшно впасти въ руки Бога живаго; но нѣтъ отчаянïя въ милосердïи его, самъ велитъ Апостолу своему прощати вину седмь разъ седмерицею. Како же отъ самаго истиннаго Бога милосердïя неожидать? вѣрно слово, яко идѣже умножается грѣхъ, тамо преизобилуетъ Божïя благодать.
Помилуй мя Боже, помилуй мя.
Не въ надеждѣ милосердïя и человѣколюбïя твоего Христе согрѣшихъ, но по немощи человѣческаго естества: разумъ, память и воля ослабѣваютъ тамо, гдѣ житейскïя сласти овладѣютъ человѣкомъ; вѣси Господи, какïя преткновенïя поставлены ногамъ моимъ, и въ силахъ ли ополчиться рука моя? аще не ты будешь моимъ путеводителемъ, и не уклонишь мене грѣшнаго отъ пути лукаваго.
Слава:
Запрети Господи сопротивъ гонящимъ мя прелщать душу мою, и безъ того со всѣхъ сторонъ колеблющуюся: не вѣмъ уже гдѣ подклонити главу мою; и аще ты отъ имешь руку свою отъ мене, то гдѣ обрящу покой душѣ моеи? и кто будетъ моимъ избавителемъ?
И нынѣ:
Ослабѣвшей душѣ моей и уязвленному сердцу моему подаждь исцѣленïе дѣво чистая; простри за мене матернïя руцѣ свои ко Богу, и будѣ о мнѣ ходатайца: можеши бо, елика хощеши.
ПѢСНЬ VIII. IРМОСЪ.
Его же воинства небесная славятъ, и трепещутъ Херувими и Серафими, и его же не видѣ человѣческое око, вострепещи душе моя, и воскликни: пойте благословите, и превозносите Господа во вся вѣки.
Помилуй мя Боже, помилуй мя.
Приверженъ есмь къ тебѣ Спасе мой, отъ сосцу матере моея; возлюбихъ тебе крѣпосте моя, яко же избавителя моего; но не вѣмъ откуду преступаю заповѣди твоя: ты создатель мой, ты единъ вѣси немощь мою, и ты единъ помилуй мя, да прославлю твое божество.
Помилуй мя Боже, помилуй мя.
Се пяди положъ еси дни моя, и весь составъ мой ничто же есть предъ тобою Господи! въ семъ мïрѣ подверженна скорби и болѣзни жизнь моя, а въ будущемъ не вѣмъ еще, что обращу по дѣломъ моимъ.
Слава:
Вѣрую, что уготовано отъ тебе праведному и грѣшному; но отъ перваго пути далече совлекохся, а послѣднему всегда предшествую яко человѣкъ; хощу взыйти на истинной путь: но житейское попеченïе оный заграждаетъ. Кïй судъ будетъ мнѣ зачатому во грѣсѣхъ? и кто пощадитъ душу мою, аще не ты Спасителю мой?
И нынѣ:
Богородице владычице дѣво мати чистая, избавившая всѣхъ грѣшниковъ рождествомъ своимъ, покрый душу мою пречистымъ покровомъ своимъ, и отъ бѣдъ всѣхъ защити мя.
ПѢСНЬ IX. IРМОСЪ.
Странная тайна въ тебѣ дѣво сокрыся, по рождествѣ бо пребыла еси дѣвою, что есть чудо въ человѣчестѣмъ родѣ; на тебѣ единой, яко избранной Богомъ, сïя благодать исполнися; тѣмъ тя вси яко чистѣйшую Херувимъ, непрестанно величаемъ.
Помилуй мя Боже, помилуй мя.
Услыши Господи сïю молитву, и вопль мой къ тебѣ да прïйдетъ; не отврати лица твоего отъ мене. Вѣси волю мою, и вѣси немощь мою, тебѣ единому открыто сердце мое. Виждь сокрушенïе его, се дѣло рукъ твоихъ къ тебѣ вопïетъ! хощу да спасеши мя; не забуди мене не достойнаго, и воспомяни во царствïи своемъ.
Помилуй мя Боже, помилуй мя.
Се жертва чистая сердца моего, юже приношу тебѣ Господи на олтарѣ души моея! се все то сокровище, имъ же тебѣ обѣщахся, и долженъ есмь; кромѣ сего не имѣю чѣмъ тебѣ воздать Спасителю моему: ибо вся твоя суть. Прïйми сïю молитву мою Господи, да исправится она яко кадило благовонное предъ тобою.
Слава:
Воздѣваю къ тебѣ Богу моему руки мои. Покланяюся тебѣ сокрушеннымъ сердцемъ и чистою совѣстïю создателю моему. Вѣрую и исповѣдую яко ты искупитель мой, и не сумнѣнно ожидаю отъ тебе спасенïя моего. Вручаю тебѣ душу мою и тѣло, пощади мене Господи. Егда предстану суду твоему. Сопричти мене угодникамъ твоимъ; сего у тебе единаго прошу и молю да обрящу.
И нынѣ:
Се наумоленïе предлагаю тебѣ Господи, матерь твою пречистую, и всѣхъ отъ вѣка угодившихъ; молитва ихъ у тебе много можетъ; прïими ходатайство ихъ за мене недостойнаго. Невѣмъ уже что болѣе тебѣ изрещи, твой есмь азъ, спаси мя.
КОНЕЦЪ.
МОЛИТВА.
Вѣрую въ тя Господи, но укрѣпи вѣру мою; уповаю на тя, но утверди мя въ упованïи моемъ; сердце мое тебѣ предано, Боже мой но усугубь мою преданность; я каюся но умножъ покаянïе мое. Тя обожаю, яко начало мое, тя желаю яко послѣдняго конца моего, тя благодарю яко милосердаго благодѣтеля, тя призываю яко защитника моего.
Устрой мя Господи премудростïю твоею; воздержи мя правосудïемъ твоимъ. Утѣши мя благостïю твоею; и охрани мя силою твоею.
Тебѣ посвящаю мысли, слова и дѣянïи свои; желанïя и страданïя мои да будутъ согласны съ волею твоею. Просвѣти Господи умъ мой, воспламени волю мою, очисти тѣло мое, и освяти душу мою, помози мнѣ очистить прошедшïя преступленïя, преодолѣть будущïя искушенïя, укротить одолѣвающïя мя страсти и шествовать по стезямъ добродѣтели.
Исполни сердце мое горячнѣйшею благодарностïю за милосердïе твое; ненавистью къ порокамъ, любовïю къ ближнему и презрѣнïемъ къ суетѣ мïра сего.
Да буду покоренъ начальникамъ, благорасположенъ къ подчиненнымъ, вѣренъ друзьямъ, снисходителенъ къ врагамъ моимъ.
Боже милосердый! помози мнѣ побѣдить сладострастïе благоразумнымъ умерщвленïемъ плоти моея; скупость милостыною Тебѣ благоугодною; гнѣвъ кротостïю, охлажденïе истиннымъ богопочитанïемъ.
Господи! да буду остороженъ въ предпрïятïяхъ моихъ, добръ въ опасностяхъ, терпѣливъ въ злополучïи и кротокъ въ успѣхахъ.
Даруй мнѣ бдѣнïе въ молитвѣ, умѣренность въ яствѣ, исправность въ должности и твердость въ благихъ намѣренïяхъ моихъ.
Возбуди и сохрани во мнѣ Господи совѣсть чистую, наружность благопристойную и жизнь благочестивую, да не престану покорять поврежденную природу свою, вспомоществовать всею силою благодати твоей, исполнять заповѣди твоя и достигать спасенïя моего.
Покажи мнѣ Господи ничтожество свѣта сего, великость небесъ, скорость преходящаго времени и долготу вѣчности.
Научи мя прïуготовляться къ кончинѣ моей, бояться суда твоего, убѣгать Ада преисподняго и достигнуть Рая во Христѣ Iисусѣ.
Аминь.
МОЛИТВА.
Всемогɣщiй, Всеблагiй, Благотробный, Боже. <Н>оне смиренно припадаю, молюся тебе Ради неповинной смерти возлюбленнаго, твоего сына, даждь ми благословѣнный часъ, во время изхода души моей изтела.
Аминь.
[Потемкин 1791], печатается с сохранением орфографии оригинала.
170 правок Суворова
Позднее канон Потёмкина был найден также в бумагах Суворова, с редактурой генералиссимуса, который внёс в текст 170 правок.
CD с музыкой XVIII века
 | Хандошкин. Первая скрипка Санкт-Петербургский барочный ансамбль |
 | Первые русские: Казак, Е.Белоградская, Д. Далольо, Ф.А. Фейхтнер. Национальная тема в музыке XVIII века. Санкт-Петербургский барочный ансамбль |
 | Джузеппе Сарти - Помилуй мя, Боже Санкт-Петербургский барочный ансамбль, Хоровая коллегия Санкт-Петербурга |
 | Три русских композитора: Николай Леонтьев, Иван Юнкин, Игнатий Дубровский - Солисты Екатерины Великой |
Примечания
